თბილისის მერიის განცხადებით, მაღაზია ზოომარტმა მიკროავტობუსით გადაადგილების საშვი მიიღო. ტრანსპორტის საქალაქო სამსახურის უფროსის ინფორმაციით, მაღაზიამ ნებართვა განაცხადის შეტანიდან რამდენიმე წუთში მიიღო.

დღეს, 23 აპრილს ზოომარტი აცხადებდა, რომ თანამშრომლების გადაყვანისთვის კერძო მიკროავტობუსებზე ნებართვა ამ დრომდე არ მიუღიათ, რის გამოც 26 აპრილიდან თბილისში 12-ვე ფილიალის დაკეტვა უწევდათ.

აღნიშნულ განცხადებას გამოეხმაურა ტრანსპორტის საქალაქო სამსახურის ხელმძღვანელი ვიქტორ წილოსანი. მისი თქმით, მიკროავტობუსებით თანამშრომლების გადაყვანასთან დაკავშირებით მაღაზია ზოომარტმა ცრუ ინფორმაცია გაავრცელა.

როგორც ვიქტორ წილოსანმა ფეისბუქზე დაწერა, ზოომარტმა უარი იმის გამო მიიღო, რომ ნებართვას მსუბუქ ავტომობილზე ითხოვდა, როცა მერია მხოლოდ M2 და M3 კატეგორიებზე გასცემს.