პირველი საუნივერსიტეტო კლინიკიდან რვა კორონავირუსისგან გამოჯანმრთელებული პაციენტი გაწერეს. კლინიკის დირექტორის ლევან რატიანის განცხადებით, "ეს [ამბავი] ყველაზე მეტად ახარებთ", რადგან ამდენი პაციენტი ერთად აქამდე არ გაუწერიათ. მისი ცნობით, ამ ეტაპზე კლინიკაში 90-მდე ინფიცირებული რჩება.

ლევან რატიანის თქმით, დაახლოებით 17 პირველადი უარყოფითი პასუხი მიიღეს და თუ ხვალაც იგივე რაოდენობის უარყოფით პასუხს მიიღებენ, 17-ვე დატოვებს კლინიკას.

"ყველა პაციენტი, რომელსაც ამ ეტაპზე ვგულისხმობ, ჩატარებული კლინიკურ-ლაბორატორიული კვლევებით, არანაირი გამოვლინებები, არანაირი ინსტრუმენტული კვლევითი პათოლოგია არ უვლინდებათ", — თქვა რატიანმა.