კვლევებისა და კონსულტაციის გლობალურმა კომპანიამ ACT-მ თბილისში კვლევა ჩაატარა, რომლის მიხედვითაც სამუშაო დღეებში თბილისის მოსახლეობა საშუალოდ 8:00-ზე იღვიძებს.

კვლევის შედეგად აღმოჩნდა, მონაცემების ასაკის ჭრილში გაანალიზების დროს ასაკის ჯგუფებს შორის განსვავებული ქცევა აღინიშნა: რაც უფრო დიდ ასაკში არიან თბილისელები, მით უფრო ადრე იღვიძებენ.

კვლევის შედეგად ასევე გამოვლინდა, რომ თბილისში, საშუალოდ 9:50-ზე იწყებენ მუშაობას. იქ მისასვლელად კი საშუალოდ 30 წუთი სჭირდებათ, თუმცა მას, ვინც ავტომობილით გადაადგილდება ქალაქში, 25 სჭირდება, ხოლო მას ვინც საზოგადოებრივი ტრანსპორტით – 6 წუთით მეტი (31 წუთი).

გამოკითხვა ჩატარდა შემთხვევითი შერჩევის გზით 400 ზრდასრულ თბილისის მოსახლეს შორის, 2016 წლის ოქტომბერში. მონაცემთა სტატისტიკური ცდომილება არ აღემატება 4,9%-ს. გამოყენებული მეთოდი – პირისპირ ინტერვიუ.

სურათზე მოცემულია გაღვიძების დრო ასაკის მიხედვით.

ფოტო: ACT