დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აჭარის ჯანდაცვის მინისტრის მოადგილე, ნინო ნიჟარაძე ბათუმის საკარანტინე სივრცეში ადამიანების ჯგუფურ მოწამვლას არ ადასტურებს. ამის შესახებ მან ჟურნალისტებს განუცხადა.

მისი თქმით, საკვებით ინტოქსიკაცია მხოლოდ 2 პირს აღენიშნებოდა.

"ეს არ იყო ინტოქსიკაციის ჯგუფური შემთხვევა. ამ ეტაპზე ჩვენ მეტის თქმა არ შეგვიძლია. ეს იყო 2 შემთხვევა, რომელიც იყვნენ კლინიკაში და გამოჯანმრთელდნენ და გაეწერნენ და დატოვეს საკარანტინე სივრცე. სურსათის ეროვნული სააგენტო სწავლობს ყველა საკარანტინე სივრცეს, არამხოლოდ ამ საკარანტინე სივრცეს. მათი პერიოდული მონიტორინგი არის, ყველგან დადიან და იმ შესაბამისობებს ყველგან ამოწმებენ", — განაცხადა ნინო ნიჟარაძემ.

მედიაში გავრცელდა ინფორმაცია, რომ ბათუმის ერთ-ერთ საკარანტინე სივრცეში 50-მდე ადამიანი მოიწამლა.

ბოლო მონაცემებით, ქვეყანაში კორონავირუსით ინფიცირების 408 შემთხვევაა დადასტურებული, მათ შორი გამოჯანმრთელებულია 95 ადამიანი, გარდაცვლილია 4, უცხოეთიდან სამკურნალოდ გადმოყვანილი საქართველოს მოქალაქეები —3, კარანტინის რეჟიმში 4 779 ადამიანი რჩება, სტაციონარში მეთვალყურეობის ქვეშ კი 561.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: