ჯანდაცვის სამინისტროს განცხადებით, მინისტრ ეკატერინე ტიკარაძეს მანქანის წინა სავარძელზე დაჯდომით საგანგებო რეჟიმის წესები არ დაურღვევია. ასე გამოეხმაურა უწყება რამდენიმე დღის წინ გავრცელებულ კადრებს, სადაც ჩანს, რომ მანქანის ტიკარაძე წინა სავარძელზე ჯდება.

სამინისტრო მთავრობის №181-ე დადგენილების მე-2 მუხლის მე-7 და მე-8 პუნქტებსა და მე-14 მუხლზე მიუთითებს.

"რომლის მიხედვითაც, შეზღუდვა არ ვრცელდება საგანგებო მდგომარეობის რეჟიმის აღსრულებაზე პასუხისმგებელი და საკარანტინო ღონისძიების განმახორციელებელი უწყებების უფლებამოსილი მოსამსახურეების გადაადგილებაზე", — აღნიშნულია უწყების განცხადებაში.

მთავრობის №181-ე დადგენილების ნახვა შეგიძლიათ აქ.

კადრები, სადაც ჩანს, რომ ჯანდაცვის მინისტრი, ეკატერინე ტიკარაძე ავტომობილის წინა სავარძელში ჯდება, ნაციონალურმა მოძრაობამ 14 აპრილს გაავრცელა.