დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს დირექტორის, მარინა ეზუგბაიას თქმით, კორონავირუსით ახალ ინფიცირებულებს შორის ერთ-ერთი 6 წლის ბავშვია. ექიმის განცხადებით, ის კლინიკაში გვიან ღამით შეიყვანეს.

"გვიან ღამით შემოგვემატა ერთი პაციენტი, ისიც ბავშვი, 6 წლის. ამ ეტაპზე ჩვენს ცენტრი ექვსი მოზარდი მკურნალობს, მათი მდგომარეობა არ არის რთული, ამ ეტაპზე სტაბილური სიტუაციაა, დაავადების პროგრესირება არ შეინიშნება", — თქვა მარინა ეზუგბაიამ.

ეზუგბაიას ინფორმაციით, ყველა ინფიცირებული ბავშვი ქობულეთის კლასტერს მიეკუთვნება. მისი თქმით, ამ დროისთვის ინფექციურ საავადმყოფოში კორონავირუსის დადასტურებული შემთხვევით მკურნალობას 39 პაციენტი აგრძელებს.

ბოლო მონაცემებით, საქართველოში კორონავირუსის 370 დადასტურებული შემთხვევაა, მათგან გამოჯანმრთელებულია 77 ადამიანი, ხოლო გარდაცვლილია 3. კარანტინის რეჟიმში 5 079 პირი რჩება, სტაციონარში მეთვალყურეობის ქვეშ კი 558 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: