დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

17 აპრილის 12 საათიდან ქვეყანაში სრულად იკრძალება მსუბუქი ავტომობილებით გადაადგილება. შეზღუდვა იმოქმედებს საგანგებო მდგომარეობის ვადით, 21 აპრილის ჩათვლით. ამის შესახებ, დღეს, 16 აპრილს ირაკლი ჩიქოვანმა სპეციალური ბრიფინგი გამართა მთავრობის ადმინისტრაციაში. მისივე თქმით, შეზღუდვა არ ვრცელდება ტვირთების გადაზიდვაზე და დისტრიბუციაზე. ჩვეულებრივ იმუშავებენ სასურსათო მაღაზიები, აფთიაქები და მიტანის სერვისები.

ხვალიდან სავალდებულო ხდება პირბადეების ტარება. პასუხისმგებლობა ეკისრებათ იურიდიულ პირებს. ხვალიდან შეზღუდვები წესდება სასაფლაოებზე შესვლასთან დაკავშირებითაც.

"იმ შემთხვევაში თუ თითოეულმა მოქალაქემ, კერძო სექტორმა, მთავრობამ ბიზნესმა, რელიგიურმა ორგანიზაციებმა, სამოქალაქო საზოგადოებამ, ყვველამ ზედმიწევნით არ შევასრულეთ კანონი, არ დავიცავით კანონი, საგანგებო მსგომარეობის შეზღუდვები, ეს გახდება ვითარების გამწვავების საფუძველი და მოგვიწევს უახლოეს პერიოდში ზომების უკიდურესი გამკაცრება, რაც მთელი ქვეყნის მასშტაბით სრული კარანტინის გამოცხადებას გულისხმობს. კატეგორიულად მოგიწოდებთ, გამოავლინეთ მაღალი პასუხისმგებლობა", — თქვა ჩიქოვანმა.

საქართველოში კორონავირუსით კიდევ 4 ინფიცირებული გამოცლინდა და მათი რიცხვი 340-მდე გაიზარდა. მათ შორის, გამოჯანმრთელებულია 74 პირი, ხოლო გარდაცვლილი — 3. კარანტინის რეჟიმში 5 000 ადამიანია, სტაციონარში მეთვალყურეობის ქვეშ 494 პაციენტი რჩება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: