დევიდ ბოუის შესახებ გადაღებული ფილმის, Stardust, პირველი კადრები გავრცელდა. ფილმის რეჟისორი ემის მფლობელი გაბრიელ რენჯია. პროდიუსერები ირწმუნებიან, რომ ნამუშევარი ბიოპიკი არაა.

სიუჟეტი 1971 წლიდან დაიწყება, როდესაც ბოუი პირველად ჩავიდა ამერიკაში და გვიჩვენებს, როგორ შექმნა მეხუთე სტუდიური ალბომი, Ziggy Stardust.

ფილმში მთავარ როლს მუსიკოსი და მსახიობი ჯონი ფლინი ასრულებს. წუთნახევრიან კლიპში ბოუისა და მის პუბლიცისტს, რონ ობერმანს შორის საუბრის მომსწრენი ვართ.

"სამყაროს შეცვლას ერთი ადამიანი სჭირდება, რომელსაც ბოლომდე სჯერა. ჩვენ კი ორი გვყავს. შენ ხომ გჯერა საკუთარი თავის?" — ეკითხება ობერმანი ახალგაზრდა მუსიკოსს.

ფილმის გადაღებები გასული წლის ზაფხულში დაიწყო. მასში ასევე მონაწილეობენ ჯენა მალონა და მარკ მარონი (რონ ობერმანი). სცენარზე კრისტოფერ ბელმა იმუშავა. პრემიერის თარიღი ჯერჯერობით უცნობია.