იტალიაში სააღდგომო არდადეგებზე, ბოლო სამი დღის განმავლობაში 42 ათასი ადამიანი დააჯარიმეს. მხოლოდ ორშაბათს, 13 მარტს 16 545 ჯარიმა გამოიწერა, ეს ერთ დღეში ჯარიმების ყველაზე მაღალი მაჩვენებელია მას შემდეგ, რაც იტალიაში კორონავირუსთან ბრძოლისთვის სპეციალური ღონისძიებები გაატარა.

ევროპაში კორონავირუსით იტალია ერთ-ერთი ყველაზე მძიმედ დაზარალებული ქვეყანაა. ინფიცირების 159 ათასი შემთხვევაა დადასტურებული, ხოლო ვირუსის შედეგად 20 ათასზე მეტი ადამიანი გარდაიცვალა.

რამდენიმე კვირის წინ იტალია მთლიანად წითელ ზონად გამოცხადდა, მოქალაქეებს ქუჩაში გასვლა ეკრძალებოდათ. თუმცა პრემიერ-მინისტრმა გადაწყვიტა, რომ ზომები ნელ-ნელა მოიხსნება და ეკონომიკური საქმიანობის ნაწილი აღდგება.