აშშ-ს პრეზიდენტის არჩევნებში გამარჯვებული დონალდ ტრამპი გაეროში ქვეყნის ელჩის რანგში რიჩარდ გრენელის კანდიდატურას განიხილავს. ინფორმაციას Fox News წყაროზე დაყრდნობით ავრცელებს.

თუ აღნიშნული მართლაც მოხდება, გრენელი იქნება პირველი ღიად გეი, რომელიც მინისტრთა კაბინეტის დონის პოსტს ქვეყნის საგარეო მიმართულებით დაიკავებს.

რიჩარდ გრენელი, პრეზიდენტ ჯორჯ ბუშის ადმინისტრაციაში, გაეროში აშშ-ს სპიკერის თანამდებობას იკავებდა. ამასთან, 2012 წელს, მან რამდენიმე ხნით რესპუბლიკელი მიტ რომნის წინასაარჩევნო კამპანიაშიც მიიღო მონაწილეობა.