საქართველოში მოქმედი 5 ბიზნესგაერთიანება მთავრობას კრიზისის პერიოდში "სასწრაფოდ გადასადგმელ", აუცილებელ კონკრეტულ ნაბიჯებს სთავაზობს. განცხადებაში აღნიშნულია, რომ ხელისუფლებამ თამამი, კონკრეტული და ეფექტური ნაბიჯები უნდა გადადგას იმისთვის, რომ ეკონომიკა კატასტროფის წინაშე არ აღმოჩნდეს.

ბიზნესგაერთიანების რეკომენდაციებია:

  • სასწრაფოდ გაუქმდეს ტვირთების განბაჟების დროს ე.წ. ყვითელი დერეფანი, როგორც დამამუხრუჭებელი და არაპროგნოზირებადი მექანიზმი, უაღრესად ხელის შემშლელი ბიზნესისათვის ფულადი საბრუნავი საშუალებების შესანარჩუნებლად;
  • დღგ-ს გადახდის ვალდებულება დადგეს საქონლის რეალიზაციის შემდეგ, რაც იძლევა საშუალებას მეტი საბრუნავი თანხა დარჩეს ბიზნესს. აუცილებელია აღსდგეს ე.წ. ოქროს სიის პრინციპი, მხოლოდ, აქამდე არსებულისგან იმ განსხვავებით, რომ ეს წესი უნდა გავრცელდეს უკლებლივ ყველა კომპანიაზე;
  • შეჩერდეს საშემოსავლო გადასახადის გადახდა, 6 თვის ვადით;
  • შეჩერდეს საპენსიო შენატანების გადახდა, ასვე 6 თვის ვადით;
  • ქონების გადასახდის ივნისში გადახდის ვალდებულება გადავადდეს 6 თვის ვადით.

განცხადებაში აღნიშნულია, რომ ყველა ეს ღონისძიება დროებითია. განცხადებას ხელს აწერენ: საქართველოს მწარმოებელთა ფედერაცია, საქართველოს დისტრიბუტორთა ბიზნეს ასოციაცია, საქართველოს გადასახადის გადამხდელთა კავშირი, საქართველოს დამსაქმებელთა ასოცისაცია, ევროკავშირი-საქართველოს ბიზნეს საბჭო.

ბოლო მონაცემებით, საქართველოში კორონავირუსით ინფიცირების 266 შემთხვევაა დაფიქსირებული. ინფიცირებულთა შორის 67 პაციენტი გამოჯანმრთელებულია, ხოლო 3 გარდაცვლილი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: