თბილისის მედიცინის ინსტიტუტში კარანტინი გამოცხადდა, რადგან მათ ერთ-ერთ ექიმს კორონავირუსი დაუდასტურდა. ადგილზე უკვე იყვნენ დაავადებათა კონტროლის ცენტრის წარმომადგენლები და ეპიდემიოლოგები. ინსტიტუტის დირექტორი, ლევან ყურაშვილი TV პირველთან საუბარში ამბობს, რომ მათ ექიმს არც მოგზაურობის ისტორია აქვს და არც დადასტურებული პაციენტი ჰყოლიათ კლინიკაში.

თბილისის მედიცინის ცენტრის სტაციონალური განყოფილების ხელმძღვანელი ჟურნალისტებთან საუბრისას განმარტავს, რომ, ვისაც ინფიცირებულთან უშუალო კონტაქტი ჰქონდა, ახლა ყველა კარანტინშია:

"კარანტინის გამოცხადება ეპიდემიოლოგიურმა სურათმა განაპირობა, ვინაიდან ერთ-ერთ თანამშრომელს დაუდასტურდა".

12 აპრილის მონაცემებით, საქართველოში კორონავირუსის კიდევ 10 ახალი შემთხვევა დადასტურდა და ინფიცირებულთა საერთო რიცხვი 252-მდე გაიზარდა. ინფიცირებულთა შორის, გამოჯანმრთელებულია 63 ადამიანი და გარდაცვლილია 3 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: