ვირტუალური გალერეა: ეთერ ჭკადუას მხატვრობა და "სიყვარულის ბომბები"
ეთერ ჭკადუა ნიუ-იორკსა და იამაიკაზე მოღვაწე ქართველი მხატვარია. მის ტილოებს ავთენტური სტილი, ავტობიოგრაფიული შინაარსი და ფორმა გამოარჩევს. ნახატების მთავარი სუბიექტი, ძირითადად, ქალია — მებრძოლი, იარაღით ხელში, იდუმალი თუ გამომწვევი. ისინი ზოგჯერ ძალიან ჰგვანან მხატვარს, ზოგჯერ — არც ისე. თუმცა, მთავარი ისაა, რომ როგორც თვითონვე ამბობს, ამ ქალებით ის თანამედროვეობაზე ჰყვება.
მის ნახატებში ყოველთვის შეხვდებით ქართულ ელემენტებს. ეს შეიძლება იყოს რაიმე ნივთი ან შტრიხი ეროვნულ მოტივებზე, რომელიც მის ნამუშევრებს უცხოელებისთვის უფრო მეტად ეგზოტიკურს, საინტერესოს ხდის და რომელთა მეშვეობით ის სამშობლოსთან კავშირს არ კარგავს.
ეთერ ჭკადუა ახლა ვიეტნამშია. მთავარი არხის დილის გადაცემაში შენი დილა ის ჰყვება, რომ იქ სხვა ქვეყნებთან შედარებით უკეთესი მდგომარეობაა და კარგი დროა იმისთვის, რომ ძველ ნახატებს გადახედოს, გაასუფთავოს და ფოტოები გადაუღოს. "ჩამოვიტანე ფანქარში შესრულებული ჩემი ნახატები და ამით მინდოდა გამეხსენებინა ძველი წლები. ამ პატარა ნახატებში ის პერიოდია, როცა პირველად ნიუ-იორკში ჩავედი", — ამბობს ის. მიუხედავად იმისა, რომ ახლა ვიეტნამში ვერ სტუმრობს მუზეუმებს, ძველ ტაძრებს თუ სხვა ქალაქებს, მისთვის უცხო გარემოს აღმოჩენა სასიამოვნოა. ამბობს, რომ აქ დაგროვილ ემოციებს შემდეგ ხელოვნებაში გადაიტანს.
"სიყვარულის ბომბები" — ასე ჰქვია ეთერ ჭკადუას ერთ-ერთ ძველ პროექტს, რომელიც ბოლო დროს აქტუალური გახდა. საყოფაცხოვრებო ნივთებით დამზადებული ჭრელი "ბომბები" მისი ძმის დიზაინით შეიქმნა. როგორც მხატვარი ჰყვება, უნდოდა, ბევრს ენახა ეს ნივთები და ამიტომ ისინი, დაახლოებით ათი წლის წინ, ყელსაბამებად აქცია და გასამხიარულებელი ფუნქცია მიანიჭა. ახლა კი ხელახლა მოძებნა და გააცოცხლა ძველი ფოტოკოლაჟიდან პორტრეტები, რომლებშიც ადამიანებს ეს ბომბები უკეთიათ.
მხატვარმა "ბომბებს" დროებით Anti-Covid-19 დაარქვა, რადგან მათ ვირუსის ფორმა აქვთ. სამომავლოდ კი გეგმავს, ამ აქსესუარებით ინსტალაცია მოაწყოს — შექმნას "ბომბებით" სავსე გვირაბი, რომელშიც დამთვალიერებლები გაივლიან. მას სურს, ადამიანებს პანდემიის შემდეგ დადებითი განწყობა დარჩეთ და ამ პერფორმანსსაც თერაპიული დანიშნულება ექნება.
ეთერ ჭკადუა საქართველოშიც გეგმავს სხვადასხვა პროექტს, მათ შორის ილუზიების მუზეუმთან თანამშრომლობას და თანამედროვე ხელოვნების მუზეუმში თავისი ნამუშევრების რეტროსპექტიულ გამოფენას, სადაც სხვადასხვა პერიოდებში შექმნილ ნახატებს გამოფენს.
მანამდე კი, სანამ მუზეუმები დახურულია და გამოფენებიც შეჩერებულია, ეთერ ჭკადუას ნამუშევრები ციფრულად დაათვალიერეთ:
ნახეთ ეთერ ჭკადუას ინტერვიუ, რომელიც მთავარი არხის დილის გადაცემაში "შენი დილა" გავიდა.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
კომენტარები