კორონავირუსის პანდემიის გამო თითქმის ყველა გიგანტური კინოსტუდია დაზარალდა: უამრავი ფილმის გადაღება და დაგეგმილი პრემიერა გაურკვეველი ვადით გადაიდო. ამ ინდუსტრიაში ნეტფლიქსი, ალბათ, იმ გამონაკლისებს შორისაა, რომელიც მაინც ახერხებს ახალი ფილმებისა თუ სერიალების მომხმარებლებისთვის მიწოდებას და იზოლაციის გამო გადატვირთულადაც კი მუშაობს.

სულ ცოტა ხნის წინ ამ სტრიმინგ სერვისმა ახალი ბლოკბასტერის გამოსვლის თარიღიც დააანონსა მძაფრსიუჟეტიანი ტრეილერით: კრის ჰემსვორტის გმირი ბანგლადეშში საერთაშორისოდ ცნობილი კრიმინალის გატაცებული შვილის გადარჩენას აპირებს.

აღსანიშნავია, რომ Extraction-ის პროდიუსერები და სცენარისტები ძმები ენტონი და ჯო რუსოები არიან, რომლებმაც მაყურებლებს აქამდე თავი მათ მიერ გადაღებული ისეთი ცნობილი ბლოკბასტერებით დაამახსოვრეს, როგორებიცაა Avengers: Endgame, Avengers: Infinity War და Captain America: Civil War.

ფილმში კრის ჰემსვორტთან ერთად ვიხილავთ Stranger Things-ის ვარსკვლავს, დევიდ ჰარბორს და 13 Reasons Why-ის მსახიობს, დერეკ ლიუკს.

ფილმის გადაღებები ინდოეთში ტაილადსა და ბანგლადეშში მიმდინარეობდა.

Extraction-ის პრემიერა ნეტფლიქსის პლატფორმაზე 24 აპრილს შედგება.