10-წლიანი თანაცხოვრების შემდეგ ზოოპარკში მარტო მყოფი პანდები პირველად დაწყვილდნენ

კორონავირუსის გამო დაკეტილ ჰონგ-კონგის ზოოპარკში პანდები პირველად დაწყვილდნენ. ტერიტორია ვიზიტორებისთვის დახურულია და ცხოველებმა, სავარაუდოდ, პირველად იგრძნეს თავი მშვიდად.

როგორც ზოოპარკის წარმომადგენლები ამბობენ, პანდები, სახელად ინგ-ინგი და ლი-ლი 2010 წლიდან ცდილობენ დაწყვილებას, თუმცა — უშედეგოდ. ზოოპარკის დირექტორი ამბობს, რომ გახარებულია, რადგან შეიძლება ტერიტორიაზე პატარა პანდა დაიბადოს.

"დაორსულების შანსი ბუნებრივი დაწყვილების დროს ბევრად მაღალია, ვიდრე ხელოვნური ჩარევების შემდეგ", — აცხადებს ის.

Ocean Park says its resident giant pandas Ying Ying and Le Le have mated naturally for the first time since they started trying a decade ago.

Executive director Michael Boos says it’s “extremely exciting” as there’s a higher chance of pregnancy.

Photo courtesy of Ocean Park pic.twitter.com/poQecMPuUB
— Richard Pyne (@richardjpyne) April 6, 2020

პანდებისთვის დაწყვილების საუკეთესო სეზონი მარტიდან იწყება და მაისამდე გრძელდება. ზოოპარკში ამბობენ, რომ ცხოველებმა ფლირტი მარტის ბოლოს დაიწყეს — ლი-ლი ინგ-ინგის სუნებს ეძებდა და თავის ნიშნულებს ტოვებდა, ხოლო მეორემ წყალთან თამაში დაიწყო.