დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში კორონავირუსისგან კიდევ 6 ადამიანი გამოჯანმრთელდა და მათი რიცხვი 45-მდე გაიზარდა. ამის შესახებ ინფორმაცია ინფექციური საავადმყოფოს დირექტორმა თენგიზ ცერცვაძემ გაავრცელა.

"ესეთი ქვეყნისთვის, სადაც სულ 195 პაციენტია ეს არის ძალიან კარგი შედეგი. მათგან 35 გამოჯანმრთელდა ჩვენს ინფექციურ საავადმყოფოში, ხოლო დანარჩენი ქვეყნის სხვა კლინიკებში", — თქვა თენგიზ ცერცვაძემ.

დღეს, 7 აპრილს, ასევე ცნობილი გახდა, რომ საქართველოში კორონავირუსისგან გარდაიცვალა მესამე პაციენტი. თბილისის ინფექციური საავადმყოფოს დირექტორის, თქმით, გარდაცვლილია 86 წლის ქალი, რომლის მდგომარეობა მათ კლინიკაში ყველაზე მძიმე იყო.

ბოლო მონაცემებით, საქართველოში კორონავირუსით ინფიცირების 7 ახალი შემთხვევაა და ჯამში ინფიცირებულთა რაოდენობა 195-ია. კარანტინის რეჟიმში 4 735 პირი რჩება, ხოლო, სტაციონარში მეთვალყურეობის ქვეშ 383 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: