იაპონიის პრემიერ-მინისტრმა შინძო აბემ ტოკიოსა და მის მიმდებარე რეგიონებში საგანგებო მდგომარეობა გამოაცხადა. გადაწყვეტილება მას შემდეგ მიიღეს, რაც ტოკიოში კორონავირუსის შემთხვევებმა იმატა.

"ექსპერტების მოსაზრებით, თუ შევეცდებით და კონტაქტებს 70-80 პროცენტით შევამცირებთ, ორი კვირის შემდეგ ინფექციის რიცხვის ზრდა მაქსიმუმ მიაღწევს და ჩვენ მისი შემცირების დაწყება შეგვეძლება", — განაცხადა პრემიერმა.

შინძო აბემ მოუწოდა მოსახლეობას, რომ სახლში დარჩნენ და აღნიშნა, რომ საგანგებო მდგომარეობას შეძლებისთანავე გააუქმებენ. Time-ის ინფორმაციით, სხვა ქვეყნისგან განსხვავებით იაპონიაში მოქალაქეებისთვის გადაადგილების შეზღუდვის ლეგიტიმური უფლებამოსილება არ არსებობს.

იაპონიაში კორონავირუსის 3 900 შემთხვევაა დაფიქსირებული. ვირუსის შედეგად 92 ადამიანი გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: