დღეიდან, 7 აპრილიდან თბილისის აგრარული ბაზრები დაიკეტა. ამის შესახებ ინფორმაცია On.ge-ს თბილისის მერიაში დაუდასტურეს.

"კორონავირუსის საპრევენციო ღონისძიებების ფარგლებში, უწყებათაშორისი საკოორდინაციო საბჭოს რეკომენდაციით, თბილისში მოქმედი აგრარული ბაზრები დროებით დაიკეტა", — ნათქვამია მერიის განცხადებაში.

გუშინ, 6 აპრილს ცნობილი გახდა, რომ სამეგრელოში სენაკისა და ზუგდიდის აგრარული ბაზრები დაიხურა. სახელმწიფო რწმუნებულმა, ალექსანდრე მოწერელიამ განაცხადა, რომ ზუგდიდის ბაზრის დახურვას არ აპირებდნენ, თუმცა მათ რეკომენდაციების გათვალისწინება ვერ მოახერხეს.

საქართველოში კორონავირუსით ინფიცირების 7 ახალი შემთხვევაა და ჯამში ინფიცირებულთა რაოდენობა 195-მდე გაიზარდა. ამის შესახებ ინფორმაცია StopCov.ge-ზეა მოცემული.

დადასტურებულ შემთხვევებს შორის გამოჯანმრთელებულია 39 ადამიანი. ინფიცირებულებს შორის კი გარდაცვლილია 2 პირი. კარანტინის რეჟიმში 4 735 პირი რჩება, ხოლო, სტაციონარში მეთვალყურეობის ქვეშ 383 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: