ინფექციური საავადმყოფოს დირექტორის, თენგიზ ცერცვაძის თქმით, კორონავირუსით ინფიცირებულთა შორის სამი პაციენტის მდგომარეობა მძიმეა. მისი თქმით, მათ ვირუსის გარდა სხვა დაავადებებიც აქვთ. TV პირველის ეთერში საუბრისას თენგიზ ცერცვაძე სამივეს მდგომაეობას განმარტავს:

  • "ერთ შემთხვევაში, არის 86 წლის ქალი, რომელსაც თან აქვს სერიოზული ნევროლოგიური დაავადება და ორმხრივი პნევმონია. მეტი სიმძიმე რა უნდა იყოს? მსოფლიოს სტატისტიკით, სწორედ ამ კატეგორიის ადამიანებზეა მაქსიმალური ცუდი გამოსავალი;
  • ერთ-ერთი პაციენტის ასაკია 64 წელი, მასაც აქვს ორმხრივი პნევმონია და აქვს მაღალი წნევა, ჰიპერტონია, გულის უკმარისობა. სწორედ ჰიპერტონია არის საშიში რისკპაქტორი;
  • მესამე არის 59 წლის. ის არ არის კრიტიკული ასაკის, მაგრამ არც ახალგაზრდაა, ამიტომ აქაც მოსალოდნელია გართულებები, აქაც არის ორმხრივი პნევმონია და აქვს მძიმე შაქრიანი დიაბეტი".