ამერიკის შეერთებულ შტატებში საპრეზიდენტო არჩევნების ხმების დათვლის პროცესი დასასრულს უახლოვდება. დათვლილია შტატების შედეგების უმეტესი ნაწილი, რომლის მიხედვითაც, პრეზიდენტობის რესპუბლიკელი კანდიდატი, დონალდ ტრამპი უსწრებს დემოკრატების კანდიდატს, ჰილარი კლინტონს.

თბილისის დროით დლის 9 საათისთვის ტრამპს, წინასწარი მონაცემებით, საარჩევნო კოლეგიაში 233 ხმა უკვე აქვს, ჰილარი კლინტონს კი – 209. გამარჯვებისთვის საჭიროა 270 ხმის მოპოვება. მიუხედავად იმისა, რომ ტრამპი ლიდერობს, შესაძლოა საბოლოო შედეგეი განსხვავებული იყოს.

სულ დარჩენილია 11 შტატის შედეგების გამოცხადება. ბოლო 24 წლის განმავლობაში, ამ შტატების უმრავლესობაში, ძირითადად, სულ დემოკრატების კანდიდატი იმარჯვებდა. აქედან გამომდინარე, არსებობს რალური შანსი იმისა, საბოლოო შედეგები განსხვავებული იქნება.

აშშ–ს მოსახლეობა პრეზიდნეტს 538 წევრიანი კოლეგიის საშუალებით ირჩევს. ამ კოლეგიაში თითოეულ შტატს თავისი წარმომადგენლები ჰყავს. სწორედ მათგან 270 წევრის ხმა არის საკმარისი გამარჯვებისთვის. უფრო დეტალურ ინფორმაციას აშშ–ს საპრეზიდენტო სისტემაზე შეგიძლიათ გაეცნოთ აქ.

შედეგების ლაივ რეჟმში სანახავად კი თვალი ადევნეთ ინტერაქტიულ რუკას.