დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

კორონავირუსის გამო Wizz Air საქართველოდან ავსტრიის, საფრანგეთის, გერმანიისა და ესპანეთის მიმართულებით ფრენებს აჩერებს. შეზღუდვა 16 მარტიდან 3 აპრილამდე გაგრძელდება.

კომპანიის განცხადებით, მომხმარებლები, რომლებსაც აღნიშნული ცვლილება შეეხოთ და დაჯავშნილი ჰქონდათ ბილეთები, მიიღებენ შეტყობინებას ელექტრონულ ფოსტაზე. დამატებითი ინფორმაციისთვის კი მათ ურჩევენ დარეკონ ნომერზე: 0706 777 483

ხოლო იმ მომხმარებლებს, რომლებიც იმყოფებოდნენ აღნიშნულ ქვეყნებში და ფრენების გაუქმების გამო უკან დაბრუნების პრობლემა შეექმნათ, კომპანია მოუწოდებს, რომ საკონსულოებს მიმართონ და ისინი მიაწვდიან ინფორმაციას ალტერნატიულ მარშრუტებზე.

აღნიშნული ქვეყნების გარდა, Wizz Air-მა საქართველოდან ფრენები შეაჩერა იტალიისა და პოლონეთის მიმართულებით.

პანდემია და რეკომენდაციები

საქართველოში კორონავირუსით ინფიცირების 30 შემთხვევაა დადასტურებული. მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: