კორონავირუსის გავრცელების რისკების შემცირების მიზნით, კომპანიები, რომლებიც აქამდე სხვადასხვა სერვისს მომხმარებლებს პირისპირ აწვდიდნენ, თანდათანობით მუშაობის დისტანციურ რეჟიმზე გადადიან. თუმცა, არსებობენ სტარტაპები, რომლებიც დისტანციურ მომსახურებას მომხმარებლებს იქამდე სთავაზობდნენ, ვიდრე კორონავირუსი გლობალურ პანდემიად გამოცხადდებოდა.

ამ სტატიაში მოგიყვებით, რატომ არის Caru ერთადერთი სწორი საშუალება მანქანის მოსავლელად კორონავირუსის პირობებში.

რა არის Caru?

Caru-ს მომსახურებაზე აქამდეც მოგვიყოლია, თუმცა მათ, ვისაც ჯერ კიდევ არ სმენია ამ სტარტაპზე, ვეტყვით, რომ Caru ავტომანქანის ყოველისმომცველი მოვლის მომსახურებაა. პროფესიონალ ავტოასისტენტებს მიჰყავთ მანქანა, საჭირო ნაწილებს ეძებენ, ვაჭრობენ, ყველაზე ხელსაყრელ ვერსიას პოულობენ, მანქანას აკეთებენ და უკან გიბრუნებენ.

Caru-ს არაერთი უპირატესობა აქვს, თუმცა პანდემიის პირობებში მისი მნიშვნელობა კიდევ უფრო თვალსაჩინო გახდა. ქვემოთ გაეცანით ხუთ მიზეზს, თუ რატომაა Caru მანქანის მოვლის ყველაზე სწორი საშუალება კორონავირუსის პერიოდში.

1. მომსახურებას იღებთ ციფრულად

Caru-მ მომხმარებლებთან ურთიერთობისთვის თავიდანვე ციფრული სივრცე აირჩია. მარტივად, ონლაინ პლატფორმაზე უთითებ შენი ავტომობილის მონაცემებს, საკონტაქტო ინფორმაციას, აფიქსირებ პრობლემას და ამ მომენტიდან შენი მანქანის გამართულობაზე პროფესიონალი ავტოასისტენტი ზრუნავს. ასე რომ, Caru-ს მეშვეობით ავტომობილის შეკეთების, გარეცხვის თუ ზოგადი მოწესრიგების რთული და ხშირად გაჭიანურებული პროცესი ინტერნეტში რამდენიმე "კლიკამდეა" დაყვანილი.

2. აღარ გიწევთ ავტონაწილების ძებნა

პრინციპი მარტივია — Caru-ს მეშვეობით მომხმარებლებს აღარ უწევთ ხალხმრავალ ადგილებში, ათობით მაღაზიაში თუ ბაზრობებზე ავტომობილის ნაწილების ძებნა. ავტომობილის მფლობელებს სახლიდან გაუსვლელად, ციფრული პლატფორმის მეშვეობით, მხოლოდ ერთ ავტოასისტენტთან მოუწევთ კონტაქტი. ავტოასისტენტმა კი ზუსტად იცის, თქვენი საჭიროებებიდან გამომდინარე, ავტონაწილების რომელ მაღაზიას მიმართოს და ამისთვის, უმეტესად, პირდაპირი კონტაქტი საერთოდ არ სჭირდება. ასე რომ, ვირუსის გავრცელების რისკები მინიმუმამდეა დაყვანილი.

3. არ გჭირდებათ ავტოსერვისში მისვლა

Caru-ს მეშვეობით, ხარისხიანი მომსახურების კარგ ფასად მისაღებად რამდენიმე ავტოსერვისის შემოვლა აღარ მოგიწევთ. ამაზე პროფესიონალი ავტოასისტენტი ზრუნავს და მანქანა მიჰყავს იმ ავტოსერვისში, სადაც თქვენს პრობლემას ეფექტურად მოაგვარებენ და სადაც უსაფრთხოების ზომები მაქსიმალურად დაცულია. რაც მთავარია, ფასზეც არ უნდა იდარდოთ — ამაზე Caru-ს ავტოასისტენტი წინასწარ შეგითანხმდებათ.

4. გაძლიერებულია უსაფრთხოების ზომები

პანდემიის პირობებში დიდი მნიშვნელობა აქვს თითოეული კომპანიის სოციალურ პასუხისმგებლობასაც. როგორც Caru-ში ამბობენ, გასული კვირიდან კომპანიაში გაძლიერდა უსაფრთხოების ზომები და ავტოასისტენტები კორონავირუსის პრევენციისთვის გათვალისწინებულ ყველა ხერხს მიმართავენ — მინიმუმამდე დაიყვანეს კონტაქტების რაოდენობა და ავტომობილის სალონის ნაწილს თქვენთან დაბრუნებამდე სპირტითა და სადეზინფექციო საშუალებებით ამუშავებენ.

5. ანგარიშსწორება ნაღდი ფულით არ მოგიწევთ

ავტომობილის შესაკეთებლად ავტოსერვისებში მხოლოდ განსაკუთრებული შემთხვევებში თუ შეხვდებით ტერმინალს, უბნის ნაცნობ ხელოსნებთან კი თითქმის გამორიცხულია ბარათით გადახდა, ან თანხის დისტანციურად გადარიცხვა. დაავადებათა კონტროლის ეროვნული ცენტრის რეკომენდაციით, კორონავირუსის გამო სჯობს ელექტრონული ანგარიშსწორების ხერხებს მივმართოთ და ნაკლებად გამოვიყენოთ ნაღდი ფული. Caru-ს პლატფორმა ამ კუთხითაც ძალიან მოსახერხებელია და სასურველი სერვისებისთვის ონლაინ-გადახდის შესაძლებლობას იძლევა.

ასე რომ, Caru საუკეთესო გამოსავალია, თუ სარისკო სიტუაციების თავიდან აცილება გსურთ. მისი მეშვეობით, სახლიდან გაუსვლელად, პროფესიონალი ავტოასისტენტების დახმარებით, ერთდროულად თავიდან აირიდებთ ავტომობილის შეკეთების უსიამოვნო პროცესს და შეამცირებთ ვირუსის გადაცემის რისკებს.