იტალიაში ერთ დღეში კორონავირუსით 97 ადამიანი გარდაიცვალა და 1 598 დაინფიცირდა დაინფიცირდა. ამის შესახებ ინფორმაციას Guardian ავრცელებს.

გამოცემა წერს, რომ ერთ დღეში გარდაცვლილთა რიცხვი 366-დან 463-მდე გაიზარდა. ჯამში იტალიაში 9 172 ადამიანია ინფიცირებული, ხოლო გამოჯანმრთელებულთა რიცხვი 724-ია. იტალია განიხილავს, რომ სკოლები 3 აპრილამდე დახუროს.

6 მარტს, უწყებათაშორისი საკოორდინაციო საბჭოს გადაწყვეტილებით, კორონავირუსის გავრცელების პრევენციის მიზნით იტალიასთან პირდაპირი ფრენები დროებით შეჩერდა. პირდაპირი ფრენების შეჩერებასთან ერთად კორონავირუსის მაღალი რისკის ქვეყნებიდან საქართველოში ჩამოსული პირებისთვის 14-დღიანი კარანტინი სავალდებულო გახდა. წესი ვრცელდება, როგორც საქართველოს, ასევე, უცხო ქვეყნის მოქალაქეებზე, თუ მათ არ აქვთ შემოწმების სპეციალური ცნობა.

ბოლო მონაცემებით მსოფლიოში კორონავირუსით 108 000-ზე მეტი ადამიანი დაინფიცირდა და 3 800-ზე მეტი გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: