თეთრის სახლის ინფორმაციით, აშშ-ს ვიცე-პრეზიდენტს, ჯო ბაიდენსა და საქართველოს პრემიერმინისტრს, გიორგი კვირიკაშვილს შორის სატელეფონო საუბარი შედგა. 4 ნოემბერს შემდგარ საუბარში მათ აღნიშნეს, რომ ქართული ოცნების მიერ მოპოვებული საკონსტიტუციო უმრავლესობა ამ უკანასკნელს დიდ პასუხისმგებლობას აკისრებს:

"ვიცე-პრეზიდენტმა ხაზი გაუსვა საქართველოს დემოკრატიულ ლიდერობას რეგიონში. მან ასევე აღნიშნა, რომ აშშ მხარს უჭერს საქართველოს სუვერენიტეტსა და ტერიტორიულ მთლიანობას და დაგმო რუსეთის მიერ ოკუპირებულ აფხაზეთთან ერთად გაერთიანებული სამხედრო დაჯგუფების შექმნის ფაქტი".

ბაიდენმა განაცხადა, რომ საქართველომ 8 ოქტომბრის არჩევნების შედეგები უნდა გამოიყენოს იმისთვის, რომ გააგრძელოს დემოკრატიული და ეკონომიკური რეფორმების განხორციელება, რომელიც ქვეყნის ევროატლანტიკურ ინტეგრაციას გააღრმავებს.