ეკონომიკის მინისტრის, ნათია თურნავას თქმით, სახელმწიფო იზრუნებს იტალიიდან საქართველოს მოქალაქეების ორგანიზებულად ჩამოსაყვანად.

"მინდა დავამშვიდო ჩვენი მოქალაქეები, ვინც აპირებდა იტალიიდან საქართველოს მიმართულებით გამომგზავრებას პირდაპირი რეისებით. ჩვენ უკვე ვმუშაობთ რომ ორგანიზებულად მოხდეს მათი ჩამოყვანა და ამაზე იზრუნებს სახელმწიფო", — თქვა ნათია თურნავამ.

საქართველომ იტალიასთან პირდაპირი ფრენები დღეს, 6 მარტს დროებით შეაჩერა. გარდა ამისა, უწყებათაშორისი კომისიის გადაწყვეტილებით, კორონავირუსის მაღალი რისკის ქვეყნებიდან საქართველოში ჩამოსული პირებისთვის საზღვარზე ინტენსიური შემოწმების შემდეგ 14-დღიანი კარანტინი სავალდებულო გახდა. წესი ვრცელდება, როგორც საქართველოს, ასევე, უცხო ქვეყნის მოქალაქეებზე, თუ მათ არ აქვთ ჯანმრთელობის შემოწმების სპეციალური ცნობა. მაღალი რისკის ქვეყნებად მიიჩნევა: ჩინეთი, ირანი, სამხრეთ კორეა, იტალია.

ამავე თემაზე:

ამ ეტაპზე საქართველოში კორონავირუსით ინფიცირების 9 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: