სპეციალური პენიტენციური სამახურის განცხადებით, ახალი კორონავირუსის შესაძლო გავრცელების პრევენციის მიზნით ციხეებში ორი კვირით განსაკუთრებული პირობები ამოქმედდა. კერძოდ, პატიმრებს შეუჩერდებათ საოჯახო, ხანგრძლივი და ხანმოკლე პაემნებით სარგებლობის უფლება. ასევე, გარეთ ხანმოკლე გასვლის და განსაკუთრებულ, პირად გარემოებებთან დაკავშირებით პენიტენციური დაწესებულების დროებით დატოვების უფლება.

გარდა ამისა, უწყების განცხადებით, გარეთ გასვლის უფლება შეუჩერდებათ იმ პირებსაც, ვინც გათავისუფლებისთვის მომზადების დაწესებულებაში იმყოფებიან და სწავლის ან/და მუშაობის გამო ტოვებდნენ მას.

მათივე თქმით, ამ პერიოდში პენიტენციურ დაწესებულებაში ახალმიყვანილი პატიმრები სხვა პირებისგან განცალკევებით განთავსდებიან.

ამ ეტაპზე საქართველოში კორონავირუსით ინფიცირების 9 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა — 28 თებერვალს, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს, საღამოს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: