იურიდიულ საკითხთა კომიტეტმა ქალთა მიმართ ძალადობის ან/და ოჯახში ძალადობის შემთხვევებში ელექტრონული სამაჯურის გამოყენებას მხარი დაუჭირა. პირველ მოსმენაზე კომიტეტი დათანხმდა ცვლილებების შეტანას კანონში ძალადობის მსხვერპლთა დაცვისა და დახმარების შესახებ.

კანონპროექტის მიხედვით, ძალადობის მსხვერპლის დაცვის მიზნით, თუ მოძალადის მხრიდან არსებობს ძალადობის განმეორების რეალური საფრთხე სამართალდამცავი უფლებამოსილი იქნება მასზე ელექტრონული კონტროლი დააწესოს. ძალადობის განმეორების საფრთხის შეფასებისასს პოლიციელი იხელმძღვანელებს შემაკავებელი ორდერის დარღვევისა და მუქარისა და ძალადობის დემონსტრირებების ფაქტებით.