TV პირველის ეთერში რუსთავი 2-ს გენერალურმა დირექტორმა ნიკა გვარამიამ განაცხადა, რომ მიუხედავად იმისა, რომ საკონსტიტუციო სასამართლოში, მათ შორის თავჯდომარეს პოსტზე, მისი თქმით ის პირები აირჩიეს, რომლებიც რუსთავი 2-ის საქმეში უარყოფით გადაწყვეტილებებს იღებდნენ, მის ტელეკომპანიას დასავლეთისგან სრული მხარდაჭერა აქვს:

"იან კელი იყო ჩვენთან და ასეთი რომელი შემთხვევა გახსენდებათ? მან თქვა, რომ რუსთავი 2-ის მსგავსი მედიის არსებობა მედიაპლურალიზმისთვის უმნიშნელოვანესია. ის უჭერს მხარს დემოკრატიასა და სამართლის უზენაესობას ამ ქვეყანაში. ჩვენს წინააღმდეგ მიმართული ბრძოლა შეკერილია და ეს ყველამ იცის. სასამართლომაც იცის ეს, რომელმაც დამარხა მითი იმაზე, რომ დამოუკიდებლობის კუნძულია, საუბედუროდ ეს დაემართა საკონსტიტუციო სასამართლოსაც, სადაც ჩვენს წინააღმდეგ ჩადენილი ქმედებებისთვის გუშინწინ ოფიციალურად დაჯილდოვდნენ პირები მაღალი თანამდებობდებით, მათ შორის თავჯდომარის არჩევისთვისაც.

იან კელის რაც შეეხება, ეს იყო დახურული შეხვედრა და დეტალებს ვერ გაგაცნობთ, თუმცა ეს იყო მხარდაჭერის დემონსტრირება, და ეს მხოლოდ ელჩის მხრიდან არა, რუსთავი 2-ს სრული დასავლეთი და უფრო მაღალი თანამდებობის პირები უჭერენ მხარს".

გვარამია ასევე აცხადებს, რომ წინასაარჩევნოდ ქართულ ოცნებას მედია და თავისი ამომრჩეველი ტერორში ჰყავდა.