დღეს, 2 ნოემბერს საქართველოს საკონსტიტუციო სასამართლოში პლენუმის სხდომა გაიმართა, სადაც სასამართლოს პირველი კოლეგიის თავმჯდომარედ პლენუმმა ლალი ფაფიაშვილი, მეორე კოლეგიის თავმჯდომარედ თეიმურაზ ტუღუში აირჩიეს. ხოლო, საკონსტიტუციოს სასამართლოს მდივნის პოზიციას მერაბ ტურავა დაიკავებს.

დღეს, სხდომაზე საქართველოს საკონსტიტუციო სასამართლოს კოლეგიების დაკომპლექტების, საქართველოს საკონსსტიტუციო სასამართლოს თავმჯდომარის მოადგილეებისა და სასამართლოს მდივნის არჩევის საკითხები განიხილეს. ამის შესახებ განცხადებას საკონსტიტუციო სასამართლო ავრცელებს.

პლენუმის დადგენილების შესაბამისად პირველი კოლეგიის შემადგენლობაში შედიან:

  • ლალი ფაფიაშვილი (თავმჯდომარე),
  • მაია კოპალეიშვილი,
  • გიორგი კვერენჩხილაძე,
  • მერაბ ტურავა (სასამართლოს მდივანი);

მეორე კოლეგიის შემადგენლობა შემდეგნაირად ჩამოყალიბდა:

  • თეიმურაზ ტუღუში (თავმჯდომარე),
  • თამაზ ცაბუტაშვილი,
  • ირინე იმერლიშვილი.

მეორე კოლეგიის მეოთხე წევრის ადგილი ვაკანტურია და მას საქართველოს პარლამენტის მიერ არჩეული წევრი დაიკავებს.