დისნეის ჭკვიანური ინვესტიცია, რომელიც კომპანიამ Pixar-ის, Marvel-ის და Lucas Films-ის ყიდვით განახორციელა, რეკორდულ შემოსავალს აჩვენებს.

წლევანდელი ფილმების ბილეთების გაყიდვებით დისნეიმ პერსონალური რეკორდი მოხსნა, მიკი და მეგობრები $5,85 მილიარდით გამდიდრდნენ. წლევანდელი პროექტების ფინანსური წარმატება ასე გამოიყურება:

  • Captain America: Civil War - $1,153 მილიარდი
  • Finding Dory - $1,021 მილიარდი
  • The Jungle Book - $966 მილიონი
  • Zootopia - $1,023 მილიარდი

ამას ემატება $800 მილიონზე მეტი შემოსავალი კიდევ რამდენიმე შედარებით ნაკლებად წარმატებული პროექტისგან.

მართალია, დისნეი ჯერ-ჯერობით შორსაა Universal-ის რეკორდისგან, რომელმაც შარშან $6,89 მილიარდიანი შემოსავალი ნახა, მაგრამ წინ კიდევ რამდენიმე დაგეგმილი ფილმია, რამაც შეიძლება კონკურენტი სტუდიის რეკორდი გააუმჯობესოს.

Dr. Strange უკვე გამოვიდა კინოეკრანებზე და ფილმის სეანსებზე უკვე $65 მილიონის ბილეთებია გაყიდული.

მალე გამოვა დისნეის ახალი ანიმაციური ფილმი მოანა და ვარსკვლავური ომების სპინ-ოფი, Rogue One: A Star Wars Story - მოსალოდნელია, რომ ეს უკანასკნელი ზემოთ ჩამოთვლილ 4 პროექტს შემოსავლებით აჯობებს.