ეროვნული ბიბლიოთეკა პარტნიორი ქვეყნების საელჩოებთან აქტიურ თანამშრომლობას განაგრძობს. გიორგი კეკელიძემ იტალიის ელჩს საქართველოში ენრიკო ვალვოსა და თურქეთის ელჩს საქართველოში ფატმა სერენ იაზგანს უმასპინძლა.

"ეროვნული ბიბლიოთეკის მეგობრებს იტალიის ახალი ელჩი საქართველოში, ენრიკო ვალვო შემოუერთდა. ელჩთან ერთად 2016 წელს გახსნილი იტალიური ბიბლიოთეკა და განახლებული სივრცეები მოვინახულეთ და სამომავლო გეგმები დავსახეთ. ბიბლიოთეკაში ასევე საქართველოში თურქეთის ელჩი ფატმა სერენ იაზგანი გვეწვია — ერთობლივად რამდენიმე მნიშვნელოვან პროექტზე მუშაობას ვიწყებთ. ეროვნულ ბიბლიოთეკაში შესანიშნავი კატალოგის — "ორნამენტები ქართულ მეჩეთებში" წარდგენაც გაიმართა", — განაცხადა გიორგი კეკელიძემ.