გერმანიაში, ჰესენის მიწაზე, ავტომობილი კარნავალის მონაწილეებში შევარდა. ამის შესახებ ინფორმაციას გერმანული მედია ავრცელებს. როგორც დოიჩე ველე წერს, შემთხვევის შედეგად 10-ზე მეტი ადამიანი დაშავდა, მათ შორის მცირეწლოვნებიც.

ავტომობილის მძღოლი დაკავებულია. თუმცა ჯერჯერობით უცნობია მიზანმიმართულად შევარდა თუ არა ის ხალხში.

ადგილზე რამდენიმე სასწრაფო დახმარების მანქანა და ვერტმფრენია მობილიზებული.