ლიეტუვა მოუწოდებს რუსეთს, რომ საქართველოს წინააღმდეგ მავნე კიბერაქტივობ შეწყვიტოს. ამის შესახებ განცხადებას ლიეტუვის საგარეო საქმეთა სამინისტროს სტრატეგიული კომუნიკაციების დეპარტამენტი ტვიტერზე ავრცელებს:

"2019 წლის ოქტომბერში ქართულ მედიასა და სახელმწიფო ვებგვერდებზე კიბერთავდასხმის შეხსენებით, ლიეტუვა განმეორებით მხარს უჭერს ტერიტორიულ მთლიანობასა და სუვერენიტეტს და მოუწოდებს რუსეთს შეწყვიტოს საქართველოს წინააღმდეგ მავნე კიბერაქტივობა".

საქართველოს საგარეო საქმეთა სამინისტროს განცხადებით, საერთაშორისო პარტნიორებთან თანამშრომლობით კიბერთავდასხმაში რუსული კვალი გამოკვეთეს. მათი განმარტებით, კიბერშეტევა რუსეთის ფედერაციის შეიარაღებული ძალების გენერალური შტაბის მთავარი სამმართველოს მიერ დაიგეგმა და განხორციელდა.

2019 წლის 28 ოქტომბერს ერთდროულად 15 ათასზე მეტი ვებგვერდი დაიჰაკა. კიბერთავდასხმის მსხვერპლი პრეზიდენტის ადმინისტრაციის, სასამართლო სისტემის, სხვადასხვა მუნიციპალიტეტის საკრებულოს, სახელმწიფო, კომერციული და მედია ორგანიზაციების ვებგვერდები გახდა. მაშინ ვებგვერდებზე გამოჩნდა ყოფილი პრეზიდენტის, მიხეილ სააკაშვილის ფოტო წარწერით "I'll Be Back".

ამავე თემაზე: