აფხაზეთის დე-ფაქტო რესპუბლიკაში, ქალაქ ტყვარჩელში, მოსახლეობას ომიდან 23 წლის შემდეგ პირველად ექნება შესაძლებლობა, შეუფერხებლად მიიღოს სასმელი წყალი. Apsny Life-ის ინფორმაციით, საინვესტიციო პროგრამის ფარგლებში შეკეთდება წყლის მიმწოდებელი სათავე ნაგებობა, შეიცვლება მილები და კოლექტორები.

როგორც აფხაზური საინფორმაციო სააგენტო ადგილობრივი დე-ფაქტო ხელისუფლების წარმომადგენელზე დაყრდნობით წერს, საინვესტიციო პროექტის ფარგლებში ქალაქისთვის წყლის სისტემის შეკეთება 10 მილიონი რუსული რუბლი (დაახლოებით 380 ათასი ლარი) დაჯდება.