დარგობრივი ეკონომიკის კომიტეტის თავმჯდომარე, რომან კაკულია ამბობს, რომ ქვეყანაში პროგრესი ნებისმიერ სფეროშია, მაგრამ მხოლოდ ცუდის დანახვა გახდა ტრენდული. მისი თქმით, ქართულმა ოცნებამ უნდა შეძლოს და წინასაარჩევნოდ არსებული ტრენდის — "ქვეყანაში არაფერი არ ხდება", შეცვლა უნდა შეძლოს.

"ჩამოყალიბდა ტენდენცია, მხოლოდ ცუდის დანახვა ტრენდული გახდა. როდესაც დავიწყე საქმიანობა, ვცდილობდი საკმაოდ კრიტიკული ვყოფილიყავი ბევრი სამთავრობო ინიციატივის მიმართ. ვხედავდი, რომ ჩვენთან კრიტიკა არ არსებობდა. რასაც ოპოზიცია უნდა აკეთებდეს, ჩვენ არ გვყავდა ოპოზიცია. გვყავდა ადამიანები, რომლებიც ნებისმიერი მოცემულობის უარყოფითად წარმოჩენის მაღალი კლასის სპეციალისტები გახლდნენ... რა თქმა უნდა, პროგრესი არის, მაგრამ ასევე არსებობს მიზეზები, რომლებსაც ვერავინ ასე მალე ვერ გამოასწორებდა. თუ ავიღებთ თითოეულ დარგს, ენერგეტიკა, ტურიზმი, გზების მშენებლობა, საწარმოების მხარდაჭერა, პროგრესი ყველგან არის, მაგრამ ეს ცუდის დანახვის ტრენდი უნდა შეიცვალოს", — განაცხადა რომან კაკულიამ იმედის ეთერში.