კულტურის სამინისტროს ინფორმაციით, 1 ნოემბერს, გვიან ღამით, ვარძიის ღვთისმშობლის მიძინების ტაძარში ცეცხლი გაჩნდა, რის შედეგადაც ტაძარში მდგარი სასანთლე მაგიდა დაიწვა. აღნიშნულმა უნიკალური მხატვრობის ნაწილობრივ ჭვარტლით დაფარვა გამოიწვია.

უწყების ცნობით, კულტურული მემკვიდრეობის დაცვის ეროვნულმა სააგენტოს სპეციალისტები მალევე მივიდნენ შემთხვევის ადგილას. ასევე გაგზავნეს სპეციალური ხარაჩო-დანადგარიც:

"დღეიდან იწყება არსებული მდგომარეობის ანალიზი და დიაგნოსტიკა. სპეციალისტების მიერ მოხდება კედლის მხატვრობის გაწმენდის მეთოდიკის შერჩევა, რის შემდეგაც, დაიწყება გადაუდებელი საკონსერვაციო სამუშაოები".

უწყების ინფორმაციით, დაკავშირებით, კულტურული მემკვიდრეობის დაცვის ეროვნულმა სააგენტომ სამართალდამცავ უწყებებს უკვე მიმართა, დაწყებულია მოკვლევა.ამ მომენტისათვის ეკლესია დაკეტილია და იქ შესვლა ვიზიტორებისა და ტურისტებისთვის დროებით შეზღუდულია.