პარლამენტის ყოფილი ვიცე-სპიკერი და დამოუკიდებელი დეპუტატი, თამარ ჩუგოშვილი ამბობს, რომ პროპორციულ საარჩევნო სისტემაზე გადასვლა ქართულმა ოცნებამ იმიტომ ჩააგდო, რომ "პოლარიზებული" არჩევნების ჩატარება ჰქონდა "გათვლილი". თუმცა, მისი თქმით, მმართველმა გუნდმა "ვერ გათვალა" ის რეაქციები, რაც "გარედან" მიიღეს და იმ "პრობლემების მასშტაბები".

"ვფიქრობ ქართულ ოცნებას გათვლა ჰქონდა რომ თუ ოცნება სააკაშვილის წინააღმდეგ იქნებოდა მომგებიანი ტაქტიკა და არჩევნების მოგების მარტივი გზა იქნებოდა. რადგან ბევრად უფრო რთულია ადამიანები დაარწმუნო, რატომ შექმნი უკეთესად სამუშაო ადგილებს, რატომ გაამჯობესებ მათ ცხოვრების დონეს, ვიდრე თქვა, რომ მე უფრო ნაკლებად ცუდი ვარ, ვიდრე ის. ამ ტაქტიკით შევიდოდა არჩევნებში. ამასთან, ამ სისტემის ჩაგდებას პოლიტიკური ველი ორად უნდა გაეხლიჩა", — განაცხადა ჩუგოშვილმა TV პირველის ეთერში.