Airbnb-მ ვალენტინობამდე რამდენიმე დღით ადრე თანამედროვე რომეოებსა და ჯულიეტებს საოცარი რამ შესთავაზა: ვერონაში, ჯულიეტას სიმბოლურ სახლში ვალენტინობის დღის გატარება. რა თქმა უნდა, სახლის ერთ-ერთი მთავარი ღირსება ისტორიული აივანია, რომელიც სიყვარულის მარადიულ სიმბოლოდ იქცა.

გამარჯვებული წყვილი სახლში ერთი ღამით დარჩება, მიშელინის ორი ვარსკვლავის მქონე შეფის მომზადებულ სადილს მიირთმევს და ისტორიულ სასიყვარულო წერილებს წაიკითხავს.

1930 წლის შემდეგ ამ სახლში ღამის გასათევად არავინ დარჩენილა.

ფოტო: Airbnb

აღსანიშნავია ისიც, რომ შუა საუკუნეების სტილში გაწყობილ საძინებელში ფრანკო ძეფირელის ლეგენდარული ფილმის, "რომეო და ჯულიეტას" გადაღების დროს გამოყენებული საწოლიც დგას.

კონკურსში მონაწილე წყვილებს დეტალურად უნდა აღეწერათ თავიანთი სიყვარულის ისტორია და აეხსნათ, რატომ იმსახურებდნენ ისინი ამ რომანტიკულ ადგილას ღამის გატარებას.

ყოველწლიურად "ჯულიეტას სახლის" მისამართზე ათასობით წერილი იგზავნე, რომელსაც ორგანიზაცია ჯულიეტას კლუბი შეუსვენებლად პასუხობს.

გაინტერესებს, სად უნდა იპოვო ყველზე იაფი ავიაბილეთები? Aviabiletebi.org სწორედ ამისთვის შექმნილი პლატფორმაა. მისი აპლიკაცია, რომელიც ხელმისაწვდომია როგორც ანდროიდის, ისე iOS სისტემისთვის საშუალებას გაძლევთ, ბილეთების გარდა, ერთ სივრცეში მოძებნოთ სასტუმროებიც, ჰოსტელებიც და Airbnb-ის ბინებიც.