ქართული ოცნების ყოფილი წევრი, ზვიად ძიძიგური ამბობს, რომ გიგი უგულავას განაჩენთან დაკავშირებით სასამართლო მიკერძოებულია და მისი გადაწყვეტილება პროცესუალური ნორმების დარღვევაა.

"არ შეიძლება ასეთი დარტყმის ქვეშ დააყენო ქართული მართლმსაჯულება. როდესაც შალვა თადუმაძე გენერალური პროკურორის რანგში წაუყენებს ბრალდებას პირს და შემდეგ თვითონ მოსამართლის რანგში განაჩენს გამოიტანს ეს არის ცალსახად, რომ მოსამართლე და სასამართლო არის მიკერძოებული და მის მიერ მიღებული გადაწყვეტილება შეუძლებელია პროცესუალური ნორმის დარღვევად არ ჩაითვალოს", — თქვა ზვიად ძიძიგურმა.

დეპუტატმა განმარტა, რომ ოპოზიციის არგუმენტები, რის გამოც მან დიალოგი შეწყვიტა გასაგებია. ოპოზიციამ საარჩევნო სისტემასთან დაკავშირებით ხელისუფლებასთან დიალოგი მას შემდეგ შეწყვიტა, რაც 10 თებერვალს უზენაესმა სასამართლომ გიგი უგულავას პატიმრობა შეუფარდა.