თბილისთან ახლოს, საგურამოში მდებარე საცხოვრებელი კომპლექსი Avenew-ს მშენებლობა დასკვნით ფაზაში შევიდა და ის შემოდგომაზე დასრულდება.

მაშინ, როცა თბილისში ჰაერის დაბინძურების მაჩვენებელი ნორმას 300%-ით აჭარბებს, ქალაქი გადატვირთულია საცობებით, შემცირებულია გამწვანება, გამონაბოლქვით და მშენებლობების მტვერით დაბინძურებულია ჰაერი, ყველაზე სწორი გადაწყვეტილება, რაც კი შეიძლება მიიღო ადამიანმა, არის ის, რომ იზრუნო შენი და შენი ოჯახის ჯანმრთელობაზე და საცხოვრებლად აირჩიო ეკოლოგიურად სუფთა, ჯანსაღი გარემო და არა ქალაქის ცენტრში რომელიმე პრესტიჟულ უბანში ცხოვრება. მსოფლიოს სხვადასხვა ქვეყანაში უკვე ძალიან ბევრი ოჯახი გაეცალა ხმაურიან და გამონაბოლქვით სავსე ქალაქს და საცხოვრებლად სწორედ მყუდრო და ბუნებასთან ახლოს მყოფი ადგილი აირჩია.

ზუსტად ასეთი გადაწყვეტილების მისაღებად არის საგურამო იდეალური, რომელიც იმდენად ახლოს არის ქალაქთან, რომ 15-20 წუთში შესაძლებელია სიმწვანეში ჩაფლული სახლიდან სამსახურში აღმოჩნდე, ბავშვები სკოლაში წაიყვანო, საღამოს სახლში დაბრუნებულმა კი იგრძნო რამდენად სწორი არჩევანი გააკეთე, როდესაც საცხოვრებლად ავენიუს კომპლექსი და საგურამოში გადასვლა გადაწყვიტე.

Avenew-ს საცხოვრებელი კომპლექსი იდეალური კლიმატის პირობებში 12 500 კვადრატულ მეტრზეა განთავსებული და თანამედროვე ტიპის არქიტექტურის მქონე ცხრამეტ დამოუკიდებელ ორსართულიან საცხოვრებელ სახლს აერთიანებს. კომპლექსში მობინადრეებისთვის მოეწყობა ისეთი საერთო მოხმარების სივრცეები, როგორიცა სკვერი, ბავშვთა გასართობი მოედანი, სტადიონი, ველობილიკი და საფეხმავლო გზა, რაც ჯანსაღი ცხოვრების წესის ხელშეწყობას ისახავს მიზნად. კომპლექსთან ახლოს კი ახლახან გაიხსნა ოთხვარსკვლავიანი სასტუმრო კომპლექსი აუზით, სპა და გამაჯანსაღებელი ცენტრით, ღვინის მარნით, კაფე და რესტორნით, რაც ძალიან მნიშვნელოვანია გარშემო არსებული ინფრასტრუქტურის განვითარებისთვის, ასევე სრულად რეაბილიტირდა საგურამოს სკვერი და გამოიცვალა გზის საფარი ნაწილი.

Avenew-ს საცხოვრებელი კომპლექსი მომხმარებელს სამი ტიპის საცხოვრებელ სახლს სთავაზობს. მნიშვნელობა არ აქვს ამერიკული ვილა, მანსარდული ტიპის სახლი თუ თანამედროვე სადა დიზაინით შექმნილი საცხოვრებელი გხიბლავთ, კომპლექსში თქვენ ნამდვილად იპოვით თქვენი ოცნების სახლს.

კომპანიის მიზანია ჩვენი საქმიანობით და მიდგომებით ადამიანებს ცხოვრების ახლებური და კომფორტული სტილის შექმნაში დავეხმაროთ.