საქართველოს მესამე პრეზიდენტი, მიხეილ სააკაშვილი ამბობს, რომ ქსენოფობი არაა. ამის შესახებ მან გადაცემა მთავარ აქცენტებში იუსაბრა.

სააკაშვილი ქვეყნის სიღარებეზე საუბრობდა, როდესაც აღნიშნა, რომ ეკონომიკური ზრდის გაგრძელების შემთხვევაში ქართველ ქალებს საბერძნეთში მოხუცების მოვლა აღარ მოუწევდათ.

"ნურავინ დამადანაშაულებს ქსენოფობიაში, რადგან არავის არ გაუკეთებია საქართველოს მრავალეთნიკური საზოგადების კონსოლოდაციისთვის საუკუნეების განმავლობაში, რაც მე გავაკეთე. ჰკითხეთ ქართველ აზერბაიჯანელებს, ქართველ სომხებს, ქართველ ებრაელებს. ერთ-ერთი კლიშე ისაა, რომ რასაც აკეთებ, იმის წინააღმდეგ გაბრალებენ... მე არ ვარ ქსენოფობი, მაგრამ ნამდვილად არ მინდა, რომ ქართველი ქალები იყვნენ ბერძნების მომსახურე პერსონალი", — განაცხადა მიხეილ სააკაშვილმა.

მიხეილ სააკაშვილს არაერთი ქსენოფობიური შინაარსის განცხადება გაუკეთებია. რამდენიმე დღის წინ კორონავირუსზე საუბრისას მან თქვა, რომ ჩინეთის არცერთი მოქალაქე საქართველოს მიწაზე არ უნდა ადგამდეს ფეხს, სანამ ეპიდემიის საფრთხეა.

2018 წლის 4 ნოემბერს მან სოციალური ნიშნით დისკრიმინაციულ და ქსენოფობიურ კონტექსტში მოიხსენია აფრიკისა და აზიის ქვეყნებიდან მიგრანტები. ამასთანავე, მიხეილ სააკაშვილმა ქართული ოცნების მიერ დაქირავებული პიარსპეციალისტი, მოშე კლუგჰაფტს ანტისემიტურ კონტექსტში მოიხსენია, როგორც "ვიღაც ებრაელი აფერისტი".