მოქალაქეები ავტობუსსა და მეტროში მგზავრების "გატარებით" ფულს ანაღდებენ. სქემა აუდიტის დასკვნის გამოქვეყნების შემდეგ გახდა ცნობილი. უწყებაში აცხადებენ, რომ ამ გზით სატრანსპორტო კომპანიამ 2017 და 2018 წელს ჯამში 414 ათას ლარზე მეტი თანხა დაკარგა.

მეტროსა და ავტობუსებში მგზავრებს უფასოდ მგზავრობა პირველი მგზავრობიდან 90 წუთის განმავლობაში შეუძლიათ. ასეთი მეტრომანების რაოდენობა საერთო მგზავრების 41 პროცენტია.

"მონაცემების შესწავლით გამოვლინდა ბარათები, რომლებიც ძირითადად მეტროს ერთსა და იმავე სადგურის ტურნიკეტებზე დღის განმავლობაში მოკლე შუალედით და მრავალჯერადად გატარდა და მათზე გავრცელდა დაწესებული შეღავათები. არსებობს რისკი, რომ ამ დროს ბარათები გამოიყენებოდა სხვა არაუფლებამოსილი პირების გასატარებლად. აღნიშნული ქმედება დარღვევაა და იწვევს საშეღავათო თანხების ზრდას", — აცხადებენ აუდიტის სამსახურში.

ბარათის შეღავათიანი პირობის დარღვევის საილუსტრაციოდ აუდიტის სამსახურმა 6 დღის მონაცემებზე დაკვირვების შედეგები გაასაჯაროა.

ფოტო: აუდიტის სამსახური

აუდიტის სამსახურში მიაჩნიათ, რომ კომპანიამ არ დააწესა საკმარისი კონტროლი და სათანადოდ არ გამოიყენა მინიჭებული უფლებამოსილება დარღვევით გამოყენებული მგზავრობის შეღავათიანი გადახდების აღსაკვეთად.