"ჩვენს ქვეყანაში ბავშვები არ შიმშილობენ... თუ ვინმე შიმშილობს, ე.ი. ოპოზიციამ აშიმშილა", — ეს ფრაზა ქართული ოცნების მილიონერ დეპუტატს, რევაზ არველაძეს ეკუთვნის.

დეპუტატი, რომელსაც არ სჯერა, რომ ქვეყანაში ყოველი მეხუთე ბავშვი შიმშილობს, რამდენიმე ათეული ათასის ღირებულების ქონებას ფლობს. ქონებისა და დანაზოგის შესახებ ინფორმაცია მან რამდენიმე დღის წინ, 25 იანვარს დეკლარაციაში ასახა.

გარდა რამდენიმე ასეული ათასის ღირებულების ქონებისა, ის ფლობს 54 ათას დოლარად ნაყიდ Toyota Land Cruiser Prado-ს, აქვს 127 ათასი დოლარის ღირებულების თამასუქი რიკოში და 22 ათას ლარზე მეტი თანხა საბანკო ანგარიშებზე.