როგორ გავიყვანეთ თბილისი Ryanair-ის გამოკითხვის ფინალში
განახლება: Ryanair-ის გამოკითხვის ფინალში ბარსელონას თბილისმა მოუგო
ბოლო რამდენიმე დღეში რაინეარის ინსტაგრამის სტატისტიკაში ერთი პატარა ქვეყნიდან წარმოუდგენლად დიდი აქტივობა დაფიქსირდა.
ყველაფერი იმით დაიწყო, რომ ირლანდიის დაბალბიუჯეტიანმა ავიაკომპანიამ ინსტაგრამის სთორიში გამოკითხვა შემოგვთავაზა, რომ გაერკვია, რომელი იყო მოგზაურებისთვის 2020 წელს მოსანახულებლად ყველაზე სასურველი ადგილი.
წესები მარტივი იყო:
- მონიშნავდი ქალაქს, სადაც 2020 წელს გინდოდა მოგზაურობა;
- შერჩეული 8 ფავორიტი ადგილიდან საბოლოოდ რაინეარი ერთს ამოარჩევდა, მარტივი — სთორიზე ხმის მიცემის — პრინციპით.
ონლაინ არმია
თავდაპირველად იტალიის დედაქალაქს დაგვაპირისპირეს და გამოკითხვის დასაწყისში შედეგებიც ისეთი შეფარდებით იყო, როგორიც მსოფლიოში რომსა და თბილისს შორის არსებული ცნობადობა.
ყველაფერი უწყინარი იდეით დაიწყო: "მოდი მთლად სამარცხვინო შედეგითაც არ წავაგოთ". თუმცა, მას შემდეგ, რაც პოპულარულ ქართულ ფეისბუქჯგუფებში გამოკითხვის შესახებ გავრცელდა ინფორმაცია, ქართველები ონლაინ დაირაზმნენ.
საბოლოოდ, რომს დამაჯერებელი შედეგით მოვუგეთ და შეჯიბრიდანაც გამოვრიცხეთ:
მერვედფინალში რაინეარმა საბერძნეთის ქათქათა კურორტს შეგვაჯიბრა, რომელიც სულაც არ ჩაგვითვლია რთულ მოწინააღმდეგედ — გოგო-ბიჭებმა ასეთი გამარჯვება დავდეთ:
ფოტო: ავთანდილ კიკაბიძე
ფეისბუქის ქართულ კუთხეში კონკურსის შესახებ ინფორმაცია ელვის სისწრაფით გავრცელდა. შემდეგი "სასურველი ქალაქი", რომელიც თბილისს შეეჯიბრა, არც მეტი არც ნაკლები საფრანგეთის დედაქალაქი იყო.
ქვეყანამ, 3,7-მილიონიანი ერით, ბევრად უკეთ იმუშავა, ვიდრე ტურისტებით განებივრებულმა ქვეყნებმა — პატრიოტებმა აღადგინეს დახურული ინსტაგრამები, შექმნეს ახალი ანგარიშები, შევიდნენ ოჯახის წევრებისა და მეგობრების პროფილებით და ხმა მისცეს თბილისს. საბოლოოდ, პარიზიც კი კონკურსის მიღმა დავტოვეთ.
პარიზიც სერ.
პარიზი, საფრანგეთი
ფოტო: Luciano Mortula / Shutterstock
შეიძლება უამრავმა მოგზაურმა დარწმუნებით თქვას, რომ რომში, პარიზში და სანტორინში გართობის უკეთესი საშუალებები არსებობს (ვიდრე თბილისში), მაგრამ, ჩვენდა საამაყოდ უნდა აღინიშნოს, რომ მობილიზება არ გვაკლია და ონლაინ ომებში უპირობო ლიდერები ვართ.
და რაინეარის გამოკითხვასა და სეფას ბიჭებს თუ დავუჯერებთ, თბილისის ანძა აუცილებლად ჯობია ეიფელს.
საბოლოოდ, ერთ კვირაში ფეისბუქ-ინსტაგრამის ქართველმა მოქალაქეებმა შთამბეჭდავი შედეგი დადეს და ტურიზმის განვითარების მიმართულებით ექსპერტებად იქცნენ.
როგორც აღმოჩნდა, რაინეარის სოციალური მედიის მენეჯერი შთაბეჭდილებების ქვეშ მოექცა და ავიახაზების ფეისბუქგვერდზე სტატია გამოაქვეყნა:
- სათაურით: საქართველოს მომაჯადოებელი ქალაქი თბილისი
- პოსტზე აღწერა: დაამატე 2020 წელს სანახავი ადგილების სიაში
შემდეგი გამოწვევა ესპანეთის მზიანი კუნძული, მალიორკა გახლდათ, თუმცა მანაც კი ვერ გაუძლო რაინეარის მიერ სამების ფოტოთი შეჯამებული თბილისის კონკურენციას.
მოკლედ, პრეზიდენტი კი ამბობს რომ ჯარი არ გვყავს და არც გვეყოლება, მაგრამ ვირტუალურ ბრძოლებში უძლიერესები ვართ. ადრე თუ ხმამაღალი სადღეგრძელოს თქმა იყო პატრიოტიზმის გამოხატულება, ახლა ყველაფერი ინსტაგრამკლიკებზეა დამოკიდებული.
ესეც გამანადგურებელი შედეგი:
ასე აღმოვჩნდით ფინალში და ამ წუთებში, თვით მის უდიდებულესობა ბარსელონას ვერკინებით. რაინეარი საბოლოო გამარჯვებულს ხვალ, დიდი ზარ-ზეიმით გვაუწყებს.
ზაფხულში, ე.წ. გავრილოვის ღამის შემდეგ, როცა რუსეთმა საქართველოში ფრენები აკრძალა, ქვეყანა ტურისტების ნაკადის შემცირების საფრთხის წინაშე დადგა. ამას, თავის მხრივ, შეეძლო, რომ ეკონომიკაზე დიდი დარტყმა მიეყენებინა და ყველა მივხვდით, რომ მოქმედების დრო იყო.
სწორედ მაშინ დაიწყო ონლაინ კამპანიები — #SpendYourSummerInGeorgia [გაატარე ზაფხული საქართველოში], რომელიც საბოლოოდ #Spend4SeasonsInGeorgia-ად [გაატარე ოთხი სეზონი საქართველოში] იქცა და უკვე თითქმის 300 000-კაციანი ჯგუფის შექმნით დასრულდა.
თამამად შეგვიძლია ვთქვათ, რომ ინტერნეტსივრცეში საკუთარ ქვეყანას არავის დავაჩაგრინებთ.
-
გადახედვა28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ 28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ
-
გადახედვალომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს ლომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს
-
გადახედვააქციაზე ალექსი პეტრიაშვილი დააკავეს აქციაზე ალექსი პეტრიაშვილი დააკავეს
-
გადახედვაგანცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს განცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს
-
გადახედვათბილისის მერია აცხადებს, რომ რუსული კანონის საწინააღმდეგო აქცია არასანქცირებულია თბილისის მერია აცხადებს, რომ რუსული კანონის საწინააღმდეგო აქცია არასანქცირებულია
-
გადახედვაწიწაკის სპრეის გამოყენების გამო, აქციის მონაწილეების ნაწილი შეუძლოდ გახდა წიწაკის სპრეის გამოყენების გამო, აქციის მონაწილეების ნაწილი შეუძლოდ გახდა
-
გადახედვაშსს კიდევ ერთ განცხადებას ავრცელებს შსს კიდევ ერთ განცხადებას ავრცელებს
-
გადახედვარუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა რუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა
-
გადახედვაპარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ პარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ
-
გადახედვარუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ რუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ
-
გადახედვამშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ მშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ
-
გადახედვაპროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი პროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი
-
გადახედვაარა რუსულ კანონს! — რესპუბლიკის მოედანზე საპროტესტო აქცია მიმდინარეობს არა რუსულ კანონს! — რესპუბლიკის მოედანზე საპროტესტო აქცია მიმდინარეობს
-
გადახედვარესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან რესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან
-
გადახედვაგორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა. გორგილაძის აუტანელი სიმსუბუქე: საღამოს ევროპული მარშია დაგეგმილი, ამიტომ გადაცემა დღეს არ გავა. ინტერვიუ მოიცდის, ჩვენი ქვეყნის წინაშე მდგომი გამოწვევები ვერა.
-
გადახედვაბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია ბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია
-
გადახედვაროგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება როგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
კომენტარები