შინაგან საქმეთა სამინისტროს ინფორმაციით, ჩხოროწყუში მოძრაობა შეცვალეს აქტივისტების ცემის ფაქტზე ერთი პირი დააკავეს და გამოძიება ძალადობის მუხლით დაიწყო.

უწყების ინფორმაციით, გამოძიება საქართველოს სისხლის სამართლის კოდექსის 126-ე მუხლი პრიმა ნაწილის "გ" ქვეპუნქტით დაიწყო, რაც ორი ან მეტი პირის მიმართ ძალადობას გულისხმობს. დანაშაული ისჯება ერთიდან სამ წლამდე თავისუფლების აღკვეთით.

მოძრაობა შეცვალეს ინფორმაციით, ჩხოროწყუში აქციის შემდეგ მათ სამ აქტივისტს ფიზიკურად გაუსწორდნენ. მათი თქმით, დაზარალებულებს შორის არიან ოთო შენგელია, ნუკრი ცქიტიშვილი და ირაკლი ნაჭყეპია. შეცვალე დღეს აქციას ჩხოროწყუში "იზორიების კლანის" წინააღმდეგ მართავდა.