პარლამენტის ყოფილი ვიცე-სპიკერი, თამარ ჩუგოშვილი ომბუდესმენის ანგარიშზე პენიტენციურ სისტემაში არსებულ პრობლემებთან დაკავშირებით უისტიციის მინისტრის რეაგირებას იწუნებს. მისი თქმით, პრობლემებზე მსჯელობის ნაცვლად, იუსტიციის მინისტრმა, თეა წულუკიანმა ომბუდსმენის "დადუმების" ტაქტიკა აირჩია.

"ბევრად უფრო კარგი,სწორი და ყველასთვის უკეთესი იქნებოდა, თუკი საქმიანი დისკუსია გაიმართებოდა. მართალია, ძალიან დიდი პროგრესი გვაქვს, მაგრამ რეალურად რაც რჩება გამოწვევები და პრობლემები იმასთან გამკლავებაზე ვიმსჯელებდით. ამის ნაცვლად სხვა ტაქტიკა იქნა არჩეული: ომბუდსმენზე შეტევის, პირადი შეურაცხყოფის, მისი გაჩუმების და დადუმების მცდელობა", — განაცხადა ჩუგოშვილმა.

თეა წულუკიანმა ომბუდსმენის ანგარიშის პასუხად ნინო ლომჯარია გააკრიტიკა, რომ ის პატიმრებს პირადად არ ხვდება. 21 იანვარს სახალხო დამცველმა პარლამენტში სპეციალური ანგარიში წარმოადგინა, სადაც ის ციხეებში ქურდული სუბკულტურის არსებობაზე მიუთითებს. ნინო ლომჯარიას შემდეგ საპასუხოდ გამოსულმა იუსტიციის მინისტრმა, თეა წულუკიანმა განაცხადა, რომ ომბუდსმენის ანგარიშები "ციხეებიდან თანამშრომლების მოტანილ ამბებზეა" აგებული.