თბილისის მერი და პარტია ქართული ოცნების გენერალური მდივანი, კახა კალაძე, ეროვნულ-დემოკრატიული ინსტიტუტის (NDI)-ის კვლევის შედეგებით, პოლიტიკური რეიტინგების ლიდერია. მას დადებითად 34% აფასებს. თავად კალაძის შეფასებით, კვლევის შედეგები პოლიტიკური მანიპულაციაა.

"მე ძალიან კარგად ვიცი ხალხის დამოკიდებულება პირადად ჩემ მიმართ, ჩემი პარტიის მიმართ. ასე რომ, ძალიან კარგად გვაქვს ჩვენ ეს ურთიერთობები ხალხთან აწყობილი. როგორც უნდათ, ისე დაწერენ ციფრებს, ამის პრობლემა მათ არ აქვთ", — განაცხადა კახა კალაძემ.

NDI-ის კვლევის შედეგები დღეს, 16 იანვარს გამოქვეყნდა. კვლევა ნოემბერ-დეკემბერში ჩატარდა. შედეგების მიხედვით, ოპოზიციის ჯამური რეიტინგი უფრო მეტია, ვიდრე მმართველი პარტიის, ქართული ოცნების რეიტინგი. ამავე კვლევის მიხედვით, გამოკითხულთა უმრავლესობის აზრით, არც ერთი პოლიტიკური გაერთიანება არ დგას მათ შეხედულებებთან ახლოს.

გაიგეთ მეტი: