სელფის გადაღება ნამდვილად არ არის ადვილი - სწორი კუთხე, საკმარისი დისტანცია, ყველას გვინდა, რომ ამ დროს ვინმე კეთილი უცნობი გამოჩნდეს და ფოტო გადაგვიღოს. როდესაც ერთი წყვილი მსგავსი გასაჭირის წინაშე დადგა, მათ დასახმარებლად პრინცი ჰარი და მეგან მარკლი გამოჩნდნენ.

სანამ მეგანი და ჰარი მაღალი რანგის სამეფო სტატუსის დატოვებაზე განაცხადებდნენ, ისინი საახალწლო შვებულებას კანადაში, ვანკუვერის ჰორთ ჰილის პარკში ატარებდნენ. სეირნობის დროს, შემთხვევით დაინახეს პიკნიკის კალათა და წყვილი, რომელიც სელფის გადაღებას უშედეგოდ ცდილობდა.

როდესაც მათ წყვილს სელფის გადაღებაში დახმარება შესთავაზეს, უცნობები არც კი დაფიქრებულან, ისე დათანხმდნენ.

მეგანის გადაღებული ფოტო.

ფოტო: მეგან მარკლი

"ავიხედე და დავინახე, რომ მეგან მარკლი მიღიმოდა, პრინცი ჰარიც იქვე იდგა თავის ძაღლთან ერთად. ვერ ვიჯერებდი რომ ეს ყველაფერი სინამდვილეში ხდებოდა", — იხსენებს წყვილი.

დაბნეულმა წყვილმა ერთადერთი იმისი თქმა მოახერხა, რომ სელფის ჯოხით სურათის გადაღება არც თუ ისე ადვილია, რაზეც მეგანს გაეცინა და იმედი გამოთქვა, რომ ჯოხზე უკეთ გაართმევდა საქმეს თავს.

მეგანის გადაღებული ფოტო, ნამდვილად ძალიან კარგი გამოვიდა. სასექსის ყოფილ ჰერცოგინიას, ფოტოების გადაღება ეხერხება. რამდენიმე კვირის წინ, ინსტაგრამზე პატარა არჩის და პრინცი ჰარის ფოტომ მილიონობით მოწონება დაიმსახურა.

2018 წელს, პრინცმა ჰარიმ მეგანის ფოტო გამოაქვეყნა, რომელიც ფანებს ასევე ძალიან მოეწონათ. მოკლედ, ყველაზე კარგ ფოტოებს სწორედ რომ შეყვარებულები, ან მეგანი და ჰარი, იღებენ!

ამავე თემაზე: