ჩინეთში ყინულის თვალისმომჭრელი ფესტივალი გაიხსნა

ჩინეთში ყინულის ქალაქმა თვალისმომჭრელი ფესტივალის ვიზიტორებს კარები გაუღო. ჰარბინის საერთაშორისო ყინულისა და თოვლის ფესტივალი 5 იანვარს ფეიერვერკებით საზეიმოდ გაიხსნა.

ჩინეთის ჩრდილო-აღმოსავლეთ მდებარე ქალაქში გახსნილი ფესტივალი მსოფლიოში ერთ-ერთ უდიდესად ითვლება. საოცარი ვეება ფიგურებისა და შენობების ასაგებად 200 ათასი კუბური მეტრის ყინული და თოვლი გამოიყენება.

ფესტივალი პირველად 1963 წელს ჩატარდა, შემდეგ რამდენიმე წლით ჩინეთის კულტურული რევოლუციის გამო შეწყდა და 1985 წელს განახლდა. წელს ყინულის ფესტივალი 36-ედ გაიმართა.

ფესტივალზე ტარდება ყინულის ჰოკეის, ფეხბურთის, სწრაფი ციგურაობისა და ციგაობის შეჯიბრებები, ასევე ცურვის კონკურსი მდინარე სუნგარის გაყინულ წყალში.

თვალისმომჭრელ გარემოში ქორწილებიც იმართება. ყინულისა და თოვლის ფესტივალი 2020 წლის 25 თებერვლამდე გაიმართება.

დაიღალეთ იმის გამოცნობით, თუ როდისაა ბილეთები ყველაზე იაფი? მათ მარტივად აღმოსაჩენად, შეგიძლიათ ავიაბილეთების კალენდარი გამოიყენოთ. კალენდარი ყველა ხელმისაწვდომ ვარიანტს გიჩვენებთ შერჩეული პერიოდისთვის და რაც უფრო მეტ თვეს აირჩევთ, მით უფრო მეტი შანსია, ბილეთებს შესაშურად იაფად გამოჰკრათ ხელი.

ბოლო ამბები:

გირჩევთ