პარლამენტის ვიცე-სპიკერი, გია ვოლსკი 24 წლის კაცის მკვლელობაში ბრალდებული სპეცრაზმელის საქმეს გამოეხმაურა და აღნიშნავს, რომ არ შეიძლება ეს კონკრეტული დანაშაული სისტემურ ხარვეზად განვიხილოთ.

"საქართველოს ხელისუფლება და შინაგან საქმეთა სამინისტრო ზუსტ სტატისტიკას აწარმოებს დანაშაულებებს და მძიმე დანაშაულებები, მადლობა ღმერთს, რომ შემცირებულია", — განაცხადა ვოლსკიმ ჟურნალისტებთან.

2 იანვარს 24 წლის კაცი ვარკეთილის სასაფლაოზე მოკლეს. აღნიშნულ საქმეზე ერთი სპეცრაზმელია ბრალდებული. მას წინასწარი პატიმრობა აქვს შეფარდებული.

როგორც მოკლულის ოჯახის წევრები ამბობენ, შსს-ს მოქმედმა თანამშრომლებმა მამაკაცს სცემეს, ბლაგვი საგნით დაზიანებები მიაყენეს, წამების შემდეგ კი გააშიშვლეს და სასაფლაოდან რამდენიმე კილომეტრში ღია ცის ქვეშ დატოვეს. მომაკვდავი ახალგაზრდა ოჯახმა მომხდარიდან მეორე დღეს იპოვა. გარდა ამისა, ოჯახი ამბობს, რომ მკვლელობაში სხვა პირიც მონაწილეობდა.

მკვლელობაში ბრალდებული სპეცრაზმელის ადვოკატი აცხადებს, რომ ბრალდებულს მომაკვდავი ახალგაზრდა არ მიუტოვებია და "ოჯახურ პირობებში უწევდა დახმარებას".

ამავე თემაზე: